(+994 12) 488 07 83
(+994 55) 289 62 62

Xəbərlər

Bizi digər kurslardan fərqləndirən dərslərin professional dizayner və memarlar tərəfindən tədris olunmasıdır. Həmçinin kursumuzda nəzəriyyə ilə yanaşı praktika da keçiriləcəkdir. Kursun əsas məqsədi vizual görüntülərin real olaraq icra olunmasını professional şəkildə həyata keçirə biləcək mütəxəssislər hazırlamaqdır.

Bu il Azərbaycan Memarlıq və İnşaat Universiteti, Azərbaycan Dövlət Rəssamlıq Akademiyası ,Inşaat Kolleci 3cü-4cü kurs tələbələrinin “Zaferoglu İnşaat”da praktika keçməsi üçün müraciyyət ediblər. Müraciyyətlərini müsbət qarşılayaraq, inşaat və memarlıq sahəsində olan təcrübəmiz ilə bölüşəcəyik. Hər birinə ugurlar

Siz hələdə bizim dizayn kurslarımıza qatılmamısınız? O zaman kursumuzun üstünlükləri ilə tanış olub seçiminizi edin :)
- Vaxtınıza qənaət etmiş olacaqsınız
( müəllimlər fərdi yanaşma metodu ilə çalışaraq proqramı qisa müddətdə öyrədirlər)
- Sıfırdan tədris
(ixtisasından peşəsindən asılı olmayaraq bu sahəni öyrədirik)
- Maksimum praktika
( təmir olunmuş mənzil və obyektlərdə praktika keçə biləcəksiniz)
- Təcrübəli müəllimlər
(Sırf bu sahə üzrə çalışan müəllimlərdən dərs alacaqsız. Onlar sizin ilə kitabda yazılmayan bilikləri paylaşacaqlar)
- Kiçik qruplar
(Qrupda tələbələrin sayı maksimum üç nəfər olur)

“Zaferoğlu İnşaat” Bakıda inşaat sahəsini əhatə edəcək peşə məktəbinin açılmasına dəstək olacaq. Bu münasibətlə şirkətin ofisini ziyarət edən koreyalı professor Kim Pan Wook “Zaferoğlu İnşaat”ın rəhbəri Zəfər Məmmədov və icraçı direktoru Firdovsi Baxışovla fikir mübadiləsi apardı. Qonaq “Zaferoğlu İnşaat”ın təcrübəsi ilə tanış oldu və yaradılması planlaşdırılan peşə məktəbləri ilə bağlı şirkətin dəstəyini aldı. Sonra qonaq “Zaferoğlu İnşaat”ın iş prossesi və Zaferoğlu Akademiyasında dərslərin gedişatı ilə tanış oldu.
Qeyd edək ki, koreyalı mütəxəssislər yaxın zamanda dövlət dəstəyi ilə paytaxtda bir neçə sahəni əhatə edən peşə məktəbləri yaratmaq niyyətindədir.

Tələbələr “Zaferoğlu İnşaat”ın təcrübəsini öyrənir
Azərbaycan Memarlıq və İnşaat Universitetinin Memarlıq fakültəsinin 4-cü kurs tələbələri “Zaferoğlu İnşaat” MMC-də təcrübə keçirlər.
“Zaferoğlu İnşaat”ın direkoru Firdovsi Baxışovun rəhbərliyi altında tələbələr əraziyə yollanaraq, hündürmərtəbəli binanın bünövrə tavasının armaturlanması ilə tanış olublar. Burada tələbələr inşaatda armaturların istifadə qaydası və normaları barədə məlumat almaqla yanaşı, prossesi əyani olaraq izləmək imkanı qazanıblar. Eyni zamanda Azərbaycan Dövlət Rəssamlıq Akademiyasının memarlıq fakültəsinin müəllimi olan Firdovsi Baxışov inşaat sektorundakı təcrübəsini tələbələrlə bölüşüb və onları maraqlandıran sualları cavablandırıb.
Qeyd edək ki, hər il ənənəvi olaraq Azərbaycanda fəaliyyət göstərən fərqli universitetlərin tələbələri “Zaferoğu İnşaat”da təcrübə keçirlər. Təcrübə proqramı çərçivəsində tələbələrə inşaat prossesini yaxından izləmək və nəzəri biliklərini əyani olaraq tətbiq etmək imkanı yaradılır.

“Zaferoğlu İnşaat”da təcrübə
Azərbaycan Dövlət Rəssamlıq Akademiyasının (ADRA) “Memarlıq” və “Dizayn” fakültələrinin 2-ci kurs tələbələri “Zaferoğlu İnşaat” MMC-də təcrübə keçirlər.
Həm ADRA-nın müəllimi, həm də “Zaferoğlu İnşaat”ın icraçı direktoru olan Firdovsi Baxışov tələbələrinə təhsil müəssisəsində öyrətdiyi nəzəri bilikləri əyani şəkildə həyata keçirmək imkanı yaradıb. Təcrübə prossesinə şəxsən F.Baxışov özü rəhbərlik edərək, tələbələri şirkətin inşaat meydançasına aparıb. Gələcəyin memarları armaturların toxunması və ara məsafələri, bünövrədən sütunların çıxıntısı, örtük tavaları, rigerlərin yığılması haqqında məlumat alıblar. F.Baxışov inşaat meydançasında tələbələrə il ərzində keçdiyi dərsləri əyani formada izah edib və onları maraqlandıran sualları cavablandırıb. 53 tələbənin iştirak etdiyi 20 günlük təcrübə proqramı çərçivəsində tələbələrə memarlıq və dizaynla bağlı da tapşırıqlar verilib. Nurlan Haqverdiyev memarlıqla bağlı, Şiralı Cavadov isə dizaynla bağlı təcrübələrini gənclərlə bölüşüb.
Qeyd edək ki, hər il ənənəvi olaraq Azərbaycanda fəaliyyət göstərən fərqli universitetlərin tələbələri “Zaferoğu İnşaat”da təcrübə keçirlər. Təcrübə proqramı çərçivəsində tələbələrə inşaat prossesini yaxından izləmək və nəzəri biliklərini əyani olaraq tətbiq etmək imkanı yaradılır. Sonunda bəzi tələbələr “Zaferoğu İnşaat”da işlə təmin edilir.